Ç‘është Equilibrium? Në gjuhën e fizikës ky term përkthehet si baraspesha mes trupave. Në kimi si barazimi mes reaksioneve kimike të të dy krahëve të një formule. Një sërë shkronjash e numrash. Asgjë e ndërlikuar, apo jo? Epo, në psikologji ky nocion merr një ngjyrim më të thellë, me shtrirjen në dy sfera: atë psikologjike dhe sociale. Equilibrium-i psikologjik është një koncept i zhvilluar nga psikologu i mirënjohur zvicerian J. Piaget më 1936, si rrjedhë e studimeve të tij të mirënjohura mbi proceset konjitive.

Marredheniet njerezore jane delikate e të shtrenjta; përmes tyre ne lulëzojmë e zhvillojme aftësitë tona konjitive, sociale dhe interaktive.

Ky koncept përshkruan baraspeshën konjitive të informacionit të ri me njohuritë e vjetra (komponenti kryesor i teorisë së Piaget mbi zhvillimin konjitiv të fëmijëve). Equilibrium përfshin përthithjen e informacionit me qëllim përshtatjen me skemat mendore ekzistenciale vetjake të një individi dhe pranimin e informacionit përmes përshtatjes në mënyrën e tyre të të menduarit.

Tani kalojmë tek sfera shoqërore. Sfera ku unë, si psikologe, shkrij pasionin tim e kam veprimtarinë time më të gjerë. Ndaj dhe zyrën e paralelisht, kauzën time, e kam emëruar “Equilibrum”. Ndër problemet më të mëdha shumëshekullore dhe ingranazhi i ndryshkur i shoqërisë sonë është mungesa e barazpeshës në marrëdhëniet e larmishme njerëzore: ato familjare, shoqërore, dashurore, profesionale, deri dhe tek marrëdhënia që kemi vetë me veten tonë(që është marrëdhënia më e rëndësishme).

Rastet janë të pafundme. Hipokrizia e çalimi i tejskajshëm shoqëror janë pasojë e çekuilibrit psikologjik, emocional e social të vetë vetes tonë. Janë frustrime shumëshekullore këto, forcuar mes tabush të paarsyeshme e mungesës së theksuar të mbështetjes së duhur shpirtërore e kujdesit të kualifikuar profesional.

Veteinjorimi sa i mësuar, aq dhe i qellimshem, eshte armiku numer nje i zhvillimit vetjak psikologjik. Ne nje simbioze shkaterruese me friken parazite per te qene te vetedijshem, pranuar, perqafuar e eksploruar horizonte te reja, krijohet antimateria paralitike e qenies sone: Anti-Equilibrium.